பா.செயப்பிரகாசம் [சூரியதீபன்]

பா.செ எனப்பட்ட பா.செயப்பிரகாசம் அவர்களைப் புதுச்சேரியில் நான் சந்தித்த தருணம் என் வாழ்வின் துயர் மீதூர்ந்த ஒரு காலக்கட்டம்.. முனைவர் பட்ட ஆய்வேட்டை அளித்துவிட்டு வா.. உன்னை எங்கள் நிறுவனத்திற்குத் தங்கத் தாம்பாளத்தில் ஆரத்தி எடுத்து வரவேற்கிறோம் என்று அந்த நிறுவனத்தின் தலைவர் வாய் மணக்கச் சொன்னார். அதாவது வேலை தருவதாக.. ஒருமுறை ஆய்வேடு முடிக்க முடியாமல் அல்லல் பட்டு, மறுமுறை முயன்றபோது இவன் எங்கே முடிக்கப் போகிறான் என்று நினைத்தாரோ என்னவோ, அந்நிறுவனத்தோடு தொடர்புடைய  அவ்வளவு வேலைகளையும் வாங்கிக் கொண்டு, ஆய்வேட்டை முடித்துப் போய் நின்றபோது பேய் முகம் காட்டி விரட்டினார். அப்போது ஐம்புலம் இலக்கியப் பேராயம் தொடங்கி, புதுவையில் இலக்கிய ஆய்வுக் கூட்டங்களை நடத்திக் கொண்டிருந்தோம். வேலையோ காசோ நிம்மதியோ இல்லாமல் தவித்தபடி இருந்த நாட்களில் எனக்குற்ற ஒரே மருந்து ஆய்வுக் கூட்டங்களே! அப்போது பா.செ அவர்களைப் பற்றி அறிந்தேன். ஜீவா காலனியில், இளவேனிலின் ரத்தினம் ஸ்டுடியோ பின்புறம் அவர் தன் அண்ணன் வீட்டில், மேல் தளத்தில் தங்கியிருந்தார். மரியாதை நிமித்தம் சென்று சந்தித்தேன். விசாரித்தார். தன் காற்றடிக

சிவதாணு: “சில பெண்களைப் பார்க்கும் போது கையெடுத்துக் கும்பிடத் தோன்றுகிறது. ஆபாசமாகக் கவிதை எழுதும் பெண்களை அண்ணா சாலையின் நடுவில் நிறுத்தி சுடத் தோன்றுகிறது.” இப்படி சொன்ன திரைப்பட பாடலாசிரியர் சினேகனின் கூற்று பற்றி? பா. செயப்பிரகாசம்: மனித சமூகத்தில் சரிபாதியாக இருப்பவர்கள் பெண்கள். ஒரு பாதி இன்னொரு பாதியை அடிமைப்படுத்துவது என்பதை நாம் அனுமதிக்க முடியாது. இந்த அடிமைத்தனம் என்பது பெண் ஒரு எதிர் பாலியல் என்ற கருத்தின் அடிப்படையில்தான் நிலவி வருகிறது - செயல்படுத்தப்படுகிறது. அடிமைப்படுத்தப்பட்ட பகுதி தன்னை விடுதலை செய்து கொள்வதற்காக எல்லா துறைகலும் மேலெழுந்து போராடுகிறது. விடுதலை என்பது விரும்பி தரப்படுவது அல்ல, தானே எடுத்துக்கொள்வது. எனவே அடிமைப்படுத்தப்பட்ட எதிர்ப் பாலியல் முதலில், எதன் காரணமாய் அடிமைப்படுத்துதல் தோன்றியதோ அந்த பாலியல் விடுதலையைக் கோருகிறார்கள். பெண் என்றாலே பாலியல் உறுப்புகளின் அடையாளமாகவே பார்க்கப்படுகிறாள். எனவே பாலியல் விடுதலையை வேண்டுகிற பெண் வர்க்கம் பாலியல் உறுப்புகளைப் பேசாமலோ பாலியல் செயல்பாடுகளைக் குறிப்பிடாமலோ படைக்க முடியாது. அதை இவர்கள் ஆபாசம், வக்ரம்

நினைவஞ்சலி: மீ.த.பாண்டியன், தலைவர், தமிழக மக்கள் பண்பாட்டுக் கழகம் கரிசல் எழுத்தாளர் தோழர் சூரியதீபன் (எ) பா.செயப்பிரகாசம் மறைந்தார்! 1965 இந்தித் திணிப்பு எதிர்ப்பு மொழிப்போராட்டம் வரலாற்று முக்கியத்துவம் வாய்ந்தது. இந்திய ஒன்றிய அரசின் ஆட்சி மொழி இந்தி எனும் அறிவிப்புக்கு எதிராக தி.மு.க.வின் அன்றைய தலைவர் அண்ணா சனவரி 26 குடியரசுதினத்தை போராட்ட நாளாக அறிவித்தார். சனவரி 25 அன்றே மதுரையில் மாணவர்களின் எழுச்சிமிக்க பேரணி திலகர் திடல் நோக்கி காவல்துறைத் தடைகளைத் தாண்டி நடைபெற்றது. மதுரை தெப்பக்குளம் அருகிலுள்ள தியாகராசர் கலைக் கல்லூரியில் பயின்று கொண்டிருந்த மறைந்த சாகுல் அமீது பின்னர் மக்கள் கவிஞர் இன்குலாப், பா.செயப்பிரகாசம் பின்னர் சூரியதீபன், முன்னாள் அமைச்சர் காளிமுத்து, நா.காமராசன், சேடபட்டி முத்தையா உள்ளிட்ட குழுவினரின் தலைமையில் போராட்டப் பேரணி நடைபெற்றது. சனவரி 26 சிதம்பரம் அண்ணாமலைப் பல்கலைக் கழகத்தில் போராடிய சிவகங்கை இராசேந்திரன் துப்பாக்கிச் சூட்டில் இறந்தார். இந்தப் போராட்டத்தில் மாணவர் தலைவர் பா.செயப்பிரகாசம் கைது செய்யப்பட்டு, மூன்று மாதங்கள் இந்தியப் பாதுகாப்புச் சட்டத்தி

அண்மையில் மறைந்த எழுத்தாளரான பா. செயப்பிரகாசம் இந்தித் திணிப்புக்கு எதிராகத் தமிழகத்தில் நடந்த போராட்டத்தில் பங்கேற்றவர் தன் வாழ்நாள் இறுதி வரை அதில் தீவிரம் காட்டியவர். மொழிப் போராட்ட அனுபவம் பற்றி அவர் பத்தாண்டுகளுக்கு முன்பு எழுதிய கட்டுரை இதோ. - நன்றி தாய் **** 1965 ஜனவரி 25 இல் இந்தி ஆதிக்கத்தை எதிர்த்து மாணவர் போராட்டம் தொடங்கியது. இன்றைய மாணவர் போராட்டம் போலவே அன்றைக்கு நாங்கள் இருபது வயதுகளில் இருந்தோம். இப்போது அறுபது வயதாகிறது. அன்றைய அறுபதுகள் நாங்கள் விட்டப் பணியை இன்றைய இருபதுகள் செய்கிறார்கள் என்கிறபோது மிக்க மகிழ்ச்சி ஏற்படுகிறது. தமிழ் இன உணர்வு என்பது 55 ஆண்டு காலம் பின்தங்கிவிட்டதோ, உணர்வு மங்கிப் போயிவிட்டதோ என்று நாங்கள் நினைத்திருந்தோம் அது அப்படி அல்ல என்று இன்றைய வரலாறு காட்டியிருக்கிறது. 1965 இந்தி எதிர்ப்புப் போராட்டத்தின் போது மூன்று விபரீதங்கள் நிகழ்ந்தன அல்லது இந்திய அரசு மூன்று நகர்வுகளைச் செய்தது. ஒன்று, இந்தியாவில் காசியைத் தவிர எந்த மாநிலத்திலும் நுழையாத இராணுவம் முதன்முதலாக தமிழ்நாட்டுக்குள் காலடி வைத்தது. தங்களுடைய நாட்டில், தங்களுடைய பூமியில், கிராமத்

தமிழீழத்துக்கான போராட்டக் களங்களில் மட்டுமின்றி, மானுட நீதிக்கான அனைத்துப் போராட்டங்களிலும் தவறாமல் பங்கேற்றவர் எழுத்தாளர் பா.செயப்பிரகாசம் அவர்கள். 2002ல் அவருடன் சேர்ந்து மேற்கொண்ட தமிழீழப் பயணம், இப்போதுதான் நடந்து முடிந்ததைப் போல் இருக்கிறது. அதற்குள் அணைந்துவிட்டது அந்த சூரிய தீபம். விடுதலைப் புலிகளுக்கு ஆதரவு - என்கிற மையப்புள்ளியில் தான் நானும் அவரும் முதல் முறையாக சந்தித்துக் கொண்டோம். அது 2000-ம் ஆண்டு. விடுதலைப் புலிகளைப் போற்றுகிற திரைப்படம் என்கிற குற்றச்சாட்டுடன் என்னுடைய ‘காற்றுக்கென்ன வேலி’ தடை செய்யப்பட, அதை எதிர்த்துப் போராடிக் கொண்டிருந்த தருணம். எந்த முன்  அறிமுகமுமின்றி தானாக முன்வந்து அந்தப் போராட்டக்களத்தில் எங்களுடன் இணைந்து கொண்டார் பா.செ.  தமிழ் எழுத்தாளர்கள் மற்றும் கலைஞர்களின் ஆதரவைப் பெறும்பொருட்டு, அவர்களுக்காகவென்றே காற்றுக்கென்ன வேலி பிரத்தியேக காட்சியை தென்னிந்திய திரைப்பட வர்த்தக சபை திரையரங்கில் பா.செ. ஏற்பாடு செய்தார். அந்தக்  காட்சியின் வெற்றிக்காக தன்னை வருத்திக்கொண்டு அவர் பணியாற்றினார். அந்தக் காட்சியில் தான் தமிழ் இயக்குநர்கள் பலரும் படத்தைப் பார

பா.செ.வுக்கு அஞ்சலி செய்யும் விதமாக "இனிய உதயம்"   நவம்பர் 2022 இதழில் மறுபதிப்பு செய்யப்பட்டுள்ள அய்யா சென்னிமலை தண்டபாணியின் ஜூலை 2021 கட்டுரை.

தமிழ்த் தேசியக் கருத்தியலின் உரத்த குரலை முன்னெடுத்த தோழர் சூரியதீபன் எனும் பா.செயப்பிரகாசம் அவர்கள் மறைவுற்றார்.  * புரட்சிகரத் தமிழ்த் தேசியக் கருத்தியலையும், பண்பாட்டுப் படைப்புச் செயல்பாட்டையும் தம் எழுத்துகளின் வழியாகவும் பேச்சுகளின் வழியாகவும் தொடர்ச்சியாக முன்னெடுத்தும் வழிநடத்தியும் வந்தவர் தோழர் சூரியதீபன். 2008-09 காலகட்டங்களில் தமிழீழ விடுதலைப் போராட்டம் இக்கட்டான சூழலையும், பேரிழப்புகளையும், இனப்படுகொலை நிகழ்வுகளையும் தாயக மண்ணில் எதிர்கொண்டிருந்தபோது, அவ்விடுதலைப் போராட்டம் குறித்தும், போராளிகள் குறித்தும் பல்வேறு வகையில் அவதூறுகளையும் வன்மங்களையும் இங்குள்ளோர் அறிவுசீவிகள் பலரும் - சில இயக்கங்கள் பலவும் மிகத் தீவிரமாகப் பரப்பிக்கொண்டிருந்தனர். தமிழ்ப் படைப்பாளிகள் பலரும் மவுனித்திருந்த காலகட்டங்களில் தமிழீழ விடுதலைப் போராட்டத்திற்கான ஆதரவுக் குரலை வலுவாக முன்னெடுத்துச் செயலாற்றியவர் தோழர் பா.செ. அதோடு மட்டுமல்லாமல், ஈழ விடுதலைப் போராட்டத்தைக் கொச்சைப்படுத்தி அவதூறுகளையும் வன்மங்களையும் மறுத்தும் எதிர்த்தும் பல்வேறு கட்டுரைகளையும் நூல் வெளியீடுகளையும் கொண்டுவந்தார். தமிழீழ

கரிசல் எழுத்தாளர் பா.செயப்பிரகாசம் இன்று ( 23-10-2022 )  மாலை இயற்கை எய்தினார். 1941 ஆண்டு பிறந்த பா.செயப்பிரகாசம் அவர்கள் தன்னுடைய இளமை காலத்தில் இந்தி திணிப்பு எதிர்ப்பு போராட்டத்தில் மதுரையில் கலந்து கொண்டவர்.  தமிழக அரசின் செய்தி மக்கள் தொடர்பு துறையில் சேர்ந்து பல உயர் பொறுப்புகளில் பணியாற்றியவர்.  சிறுகதைகள், கவிதைகள், கட்டுரைகள், துறையில் மிகச் சிறந்த பங்கினை ஆற்றியுள்ளார். குறிப்பாக சிறுகதைகளில் கரிசல் வாழ்வின் துயரங்களை வெளிப்படுத்தியவர்.  ‘ஒரு ஜெருசலம்' ‘காடு’ ‘மூன்றாவது முகம்' ‘இரவுகள் உடைபடும்’ ஆகிய தொகுப்புகளையும், அனைத்து சிறுகதைகளையும் தொகுத்து ‘பா.செயப்பிரகாசம் கதைகள்’ வெளியிட்டவர்.  தீவிர இடதுசாரி இயக்கத்தில் இணைந்து ‘சூரியதீபன்’ என்ற பெயரில் ‘மன ஓசை' இதழின் ஆசிரியர் குழுவில் அங்கம் வகித்து, அந்த இதழை இலக்கியத் தரத்துடன் கொண்டு வந்தவர். தமிழ்நாடு கலை இலக்கியப் பெருமன்றத்தோடு நெருங்கிய தொடர்பு கொண்டிருந்தவர். சமீபத்தில் எட்டயபுரத்தில் நடந்த பாரதி விழாவில் விளாத்திகுளம் சட்டமன்ற உறுப்பினர் பா.செயப்பிரகாசத்தின் பணியினை கௌரவிக்கும் வகையில் தமிழக அரசு சிறப்பு செ

Ovia Rajamoni 7 ஜூன் 2020 1979 அல்லது 1980 என நினைக்கிறேன். எல்எல்ஏ கட்டிடத்தில் சென்னை மாணவர்கள் கலந்து கொண்ட ஒரு கருத்தரங்கத்தி ல் கலந்து கொண்ட போது தோழர் சூரியதீபன் அவர்களை முதன்முறையாக சந்தித்தேன். நான் பேசியதைப் பாராட்டி விட்டு கவிதை போன்ற பிற படைப்பாக்கங்களில் நீங்கள் ஈடுபட வேண்டும் என்று இன்னொரு தளத்திற்கு என்னை நகர்த்தும் அளவிற்கு உற்சாகமளித்தார். நான் கவிதை எழுதியதில்லையே என்றேன். முயற்சி செய்யுங்கள் என்றார். என்னைப் போன்று பல மாணவர்களை அவர் ஊக்கப் படுத்தியதையும் கண்டேன். இன்றுவரை நான் கவிதை எழுதவில்லை. யார் கண்டது ஒருவேளை இனிமேல் எழுதுவேனோ என்னவோ? அந்த காலகட்டத்தில்தான் இலக்கியம் இலக்கியத்துக்காகவா மக்களுக்காகவா என்கின்ற விவாதங்களைப் பற்றியெல்லாம் நான் அறிந்து கொண்டேன். அதற்கான ஒரு துவக்கப் புள்ளியை ஏற்படுத்தியவர் தோழர் சூரியதீபன் என்று சொல்லலாம். மனதார பாராட்டி நாம் வளர வேண்டும் என்று நினைத்தவர். நமது ஆளுமைக்குக் காரணமானவர்களுக்கு என்றாவது நாம் உரிய முறையில் நன்றி சொல்ல வேண்டுமல்லவா. அதை இப்போது சொல்ல வேண்டும் என்று எனக்கு தோன்றியது. நன்றி தோழர். ஏர் மகாராசன் 7 ஜூன் 2020