வார்ஸா முதல் கோவை வரை

28-3-2021 அன்று ஒரு செய்தி!

இந்திய மொழிகளுக்கான இருக்கைகள் வெளிநாடுகளின் 69 கல்வி நிறுவனங்களில் உருவாக்கப்பட்டுள்ளன; அதிகபட்சமாக இந்திக்கு 25க்கு மேற்பட்ட இருக்கைகள். இந்திக்கு அடுத்து சமஸ்கிருதத்துக்கு அதிக இருக்கைகள்.

தமிழுக்கு வெறும் இரண்டு இருக்கைகள்: போலந்து நாட்டின் வார்சா பல்கலைக்கழகத்தில் 47 ஆண்டுகளாக இயங்கிவரும் இருக்கை ஒன்று: அந்நாட்டின் கிராக்கூப் நகரின் ’எலோனியன் பல்கலைக்கழகத்தில்’ இயங்கிவரும் தமிழ் இருக்கை மற்றொன்று. ஏழு ஆண்டுகளாய் இவ்விரு தமிழ் இருக்கைகளுக்கும் பேராசிரியர்கள் நியமிக்கப் படவில்லை. பேராசிரியர் பணி நியமன அறிவிப்பை ஐசிசிஆர் (ICCR) என்று சொல்லப்படும் மத்திய அரசின் கல்வி அமைப்பு தற்போது வெளியிட்டுள்ளது.

ஏழு ஆண்டுகளாக ’போலந்து தமிழ் இருக்கைகள்’ காலியாக இருப்பது ஏன்? பா.ச.க அரசின் தமிழுக்கு எதிரான மனநிலை மூலகாரணம்: முன்னர் காங்கிரஸ் ஆட்சியிலும் இப்போது காணுகிற தமிழ் ஒதுக்கல் கொள்கைதான். இப்போது எல்லா மொழிகளுக்கும் நாமம் தீட்டுகிற இந்தி வெறி பா.ச.க! இரு ஆட்சியினருக்கும் தமிழ், தமிழருக்கு எதிரான இந்துப் பார்ப்பன மனோநிலை. நாம் யார்? நாம் தமிழர்: நமது மொழி தமிழ்: நாம் தமிழினம்: ஆனால் கோலோச்சுகிறது ஒற்றை மத, இன, மொழிக் கோட்பாடு. கூட்டாட்சி சனநாயக மனோநிலை கிஞ்சித்தும் காணக் கிடைக்காது.

இந்தி இந்தியாவின் ஆட்சி மொழி என்று வட இந்தியர்களால் கருதப்படுகிறது. ஆனால் இந்தியாவின் தேசிய மொழிகள் அனைத்தையும் ஆட்சி மொழிகளாக்க வேண்டுமென்று நாடாளுமன்ற மேலவையில், 1967-ல் அண்ணா முழக்கமிட்டார். அந்தத் திசைக்கே கருத்துச் செலுத்தாத இன்றைய மத்திய அரசு, இந்தி பேசாத மாநிலங்களில் இந்திப் பரப்புரை செய்வதற்கு ஒவ்வொரு ஆண்டும் ரூ.53 கோடி ஒதுக்குகிறது. இந்தி பேசும் வட மாநிலங்களில் பிற மாநில மொழிகளுக்குத் தெருக்கோடி.

”ஆரியம் போல் உலக வழக்கழிந்தொழிந்து சிதையா தமிழ் போல் சீரிளமைத் திறம் கொண்டதல்ல“ சமஸ்கிருதம். மற்ற மற்ற மொழி பேசுகிறவர்கள் பல கோடிக்கணக்கில் வாழும் இந்தியாவில் சமஸ்கிருதம் பேசுகிறவர்கள் 24 ஆயிரம் பேர் மாத்திரமே. அது செத்துப் போன மொழி. அதை சாகாமல் வைத்திருக்க கடந்த மூன்று ஆண்டுகளில் ரூபாய் 630.43 கோடி செலவழிக்கப்பட்டுள்ளது. மூன்று 3 சமஸ்கிருத நிகர்நிலைப் பல்கலைக்கழகங்களை மத்திய பல்கலைக்கழகங்களாய் தரம் உயர்த்தி சமஸ்கிருதத்தைக் கற்றுத்தர தீவிரமாய் ஏற்பாடு செய்யப்பட்டாகிவிட்டது. ஆனால் லேசுபாசாய்க் கடந்து போய்விடக் கூடாது. பார்ப்பனர் போல, உயர்சாதி நாடாளுமன்ற உறுப்பினர்கள் இன்று 453 பேர்.

இதன் தொடர்ச்சியில் கோவை தெற்குத் தொகுதியில் வானதி சீனிவாசன் என்ற பாஜக வேட்பாளருக்கு ஆதரவாக இந்தியிலேயே முழக்கங்கள் எழுப்பி பேரணி நடைபெறுகிறது. பேரணியில் சென்றவர்கள் மார்வாடி, குஜராத்தி, இந்தி மாநிலத்தைச் சேர்ந்த பெண்கள். “வானதி அக்கா எங்கள் அக்கா” இந்தியில் வாக்கு சேகரிக்கிறார்கள்.


போலந்து பல்கலைக் கழகத்திலும் கோவை தெற்குத் தொகுதியிலும் சூட்டுக்கோலைக் காயவைத்து நமக்குச் சூடு போட்டிருக்கின்றனர். “வானதி அக்கா, எங்கள் அக்கா“ - சொல்லி முடித்தாகிவிட்டது. பிறகு? ”மோடி அய்யா எங்கள் அய்யா” தொடரும் தேர்தல் முழக்கம். ஒற்றை மதம், ஒற்றை மொழி, ஒற்றைப் பண்பாடு, ஒற்றை நாடு, ஒற்றை பா.ச.க என்கிற கொடி உயருகிறது.

- ஏப்ரல் 2021, கணையாழி இதழில் “படைப்பாளர்கள் பார்வையில் தேர்தல்“ என்னும் தலைப்பில் வெளிப்பட்ட கட்டுரை

கருத்துகள்

கருத்துரையிடுக

பிரபலமான பதிவுகள்

வட்டார வழக்கும் இலக்கியமும் சிறுகதை - நெடுங்கதை

படம்
மனித வரலாற்றின் எந்தப் புள்ளியில் மொழி பிறந்தது? “என்று பிறந்தவள் என்றுணரா இயல்பினள் எங்கள் தாய்” என்ற பதில் தமிழ்ச் சமூகத்தில் உண்டு. இதய வாஞ்சனைக்கு இதமானது இது. அறிவுசார்ந்த சிந்திப்புக்கு வேறொரு விடை இருக்கும். மொழியின் தோற்ற கால கர்ப்பத்தைக் கண்டறிவதினும், அது மனிதனில் என்னவாக உண்டானது என்றிவது முக்கியம். மூடிய வயிற்றுக்குள்ளிருந்து வெளிப்பாய்ந்த உயிர் அழுதது. மனித குலத்தின் முதல் மொழி அழுகை. அப்போதே மொழி ஓசையாய் வெளிப்பட்டது. அதன் முன் சைகையே மூலமாக இருந்தது. தனக்குத் தேவையானதை சைகை வழியாகவே மனிதன் பேசிக்கொண்டிருந்தான். “எனக்குப் பசி. அந்தக் கனியைப் புசிக்கலாமா?” குழந்தை அல்லது அந்த மனிதன் செடியை, மரத்தைக் காட்டினான். பறித்துத் தரும்படி கை ஏந்தினான். கை நீட்டுவதும், காட்டுவதும் சைகை. நீர் ஆற்றில் ஓடியது, குதித்துக் குளித்துக் கரையேற எண்ணினான். தன் அகவிருப்பத்தை மற்றவா்க்கு எப்படிப் பரிமாறுவது? சைகை. சைகை – என்பது ஆதிமொழி. சைகை இருந்த இடத்தில், ஓசையாக ஒலிக்குறிப்பு பிறக்கிறது. தாய், தகப்பன், உற்றார் என தன்னைச் சுற்றி அசைந்தவர்களோடு, தன் தேவைகளை நிறை வேற்றிக்கொள்ளும்
Read more »

நா.காமராசன் ஓய்ந்த நதியலை

படம்
1962 - 63ல், மதுரை தியாகராசர் கல்லூரியில் நான் இளங்கலை முதலாமாண்டு. கவிஞர் நா.காமராசன், இளங்கலை இரண்டாமாண்டு. கவிஞர் அபி, இளங்கலை மூன்றாமாண்டு. கவிஞர்கள் மீரா, அப்துல் ரகுமான், முதுகலைத் தமிழ் இறுதியாண்டு. கவிஞர் இன்குலாப், எனக்குப் பின்னால் அடுத்த ஆண்டு இளங்கலைத் தமிழில் சேர்கிறார். அவருடைய வகுப்புத் தோழர் – பின்னாளில் சட்டமன்ற உறுப்பினர், அமைச்சர், சட்டமன்றப் பேரவைத் தலைவராக இருந்து மறைந்த கா.காளிமுத்து. மதுரை தியாகராசர் கல்லூரி விடுதியில் 1965 சனவரி 25-ம் நாள், இந்தி எதிர்ப்பு ஊர்வலத்துக்கான அனைத்துக் கல்லூரி, உயர் நிலைப்பள்ளி மாணவர்களின் முன் ஆலோசிப்பு நடந்தது. நண்பர்கள் காமராசன், காளிமுத்து ஆகியோர், ‘இந்தியே ஆட்சி மொழி’ என்று அறிவிக்கும் சட்டப் பிரிவு பிரதியை எரிப்பதென முடிவு செய்தனர். ‘சட்டத்தை’ எரிக்கும் நண்பர்களை அக்காரியம் நிறைவேற்றும் முன் கைது செய்யாமலிருக்க, ஒரு தலைமறைவு வாழ்க்கைக்குத் தயார்ப்படுத்தினோம். எங்களில் சிலரைத் தவிர அந்த இடம் வேறு யாருக்கும் தெரியாது. சனவரி 25-ம் நாள் அன்று மாணவர்கள் சுற்றிலும் பாதுகாப்பாக வர, காமராசனும் காளிமுத்துவும் திடல் மேடையில் ஏறி, சட்டப
Read more »

பா.செயப்பிரகாசம் நூல்கள்

படம்
பா.செயப்பிரகாசத்தின் 51 ஆண்டு (1971 - 2022) கால படைப்பில் எழுதிய 143 சிறுகதைகள் 14 தொகுதிகளாகவும் மற்றும் 18 கட்டுரைத் தொகுப்புகள், 2 கவிதை தொகுப்புகள், 3 நாவல்கள், 2 மொழி பெயர்ப்பு நூல்கள்,  தொகுப்பாளராய் 15 நூல்கள் வெளிவந்துள்ளன. சிறுகதைத் தொகுப்புகள் 1. ஒரு ஜெருசலேம் - 1975, 1988 ஒரு ஜெருசலேம் (தாமரை இதழ், செப்டம்பர் 1972) அம்பலக்காரர் வீடு (டிசம்பர் 1972) குற்றம் (பா.செயப்பிரகாசத்தின் முதல் கதை, தாமரை 1971 மே மாத இதழில் வெளியானது.) பலிப்பூக்கள் கறுத்த சொப்னம் ஆறு நரகங்கள் (ஆகஸ்ட் 1973) புஞ்சைப் பறவைகள் இருளின் புத்ரிகள் (டிசம்பர் 1973) திறக்கப்படாத உள்ளங்கள் (மே 1973) வேரில்லா உயிர்கள் (ஜூன் 1974) சுயம்வரம் (1973) மூன்றாம் பிறையின் மரணம் (1974) பொய் மலரும்  (1974) 2. காடு, 1978 காடு (ஜூன் 1977) இருளுக்கு அழைப்பவர்கள் (ஏப்ரல் 1977) கொசு வலைக்குள் தேனீக்கள் (1973) முதலைகள் (மார்ச் 1976) நிஜமான பாடல்கள் (நவம்பர் 1975) சரஸ்வதி மரணம் (மே 1977) இரவின் முடிவு (பிப்ரவரி 1976) குஷ்டரோகிகள் 1 , 2, 3 (1974) விடிகிற நேரங்கள் (செப்டம்பர் 1975) கோபுரங்கள் 3. கிராமத்
Read more »

Manal Novel - Jeyapirakasam deftly blends many folktales, rituals, folk beliefs with the modern day political happenings

படம்
Tamil Nadu (a southern State in India) in the recent times witnessed the atrocities of 'sand mafia.' The newspapers were filled with the atrocities done by the villainous group. Whoever was against the evil of the exploitation of the river sand was done away with in heinous manners (Many were run over by the trucks). The river sand is a gold mine for the profit seeking politicians. The mining of river sand for the local use (construction in that particular region) is acceptable. But when it is mined for commercial purposes, that is where the danger lies. The river bed that takes thousand years to form is scratched to nothing in minimum of 10 years. When a river bed is completely robbed of the sand, it leads to the death of a river and that in turn results in killing the livelihoods dependent on the river. The drinking water of the area gets dried up or the water becomes not potable. It kills the villages and the people in the villages. This has been happening in Tamil Nadu. The
Read more »

ஆய்வு: பா.செயப்பிரகாசம் சிறுகதைகள் காட்டும் கரிசல்காட்டு மக்களின் வாழ்வியல்

Title:  P.Jeyaprakasam sirrukathaikal kattum karisal kattu makkalin valviyal (பா. செயப்பிரகாசம் சிறுகதைகள் காட்டும் கரிசல்காட்டு மக்களின் வாழ்வியல்) Researcher:  T.Poovai subramanian (த .பூவை சுப்பிரமணியன்) Guide(s):  V.Kesvaraj (வே .கேசவராஜ்) Keywords:  Tamil University:  தூய சவேரியார் தன்னாட்சிக் கல்லூரி,  Manonmaniam Sundaranar University Completed Date:  March 2007 Abstract:  None Pagination:  vii, 209p. URI:  http://hdl.handle.net/10603/77832  ;  https://sg.inflibnet.ac.in/handle/10603/77832 Appears in Departments: Department of Tamil ஆய்வு விளக்கம் முன்னுரை:- கரிசல் வட்டாரத்தினையும் அம்மக்களின் வாழ்க்கை முறையினையும் பா.செ. வின் கதைப்படைப்புகள் மூலம் வெளிப்படுத்தும் வகையில் அமையும் இவ்வாயிவிற்குப் ‘பா.செய்பிரகாசம் சிறுகதைகள் காட்டும் கரிசல்காட்டு மக்களின் வாழ்வியல்’ என்ற தலைப்பு அமைக்கப்பட்டுள்ளது. ஆய்வு அணுகுமுறை:- இவ்வாய்வில் பகுப்பாய்வு அணுகுமுறை, விளக்கமுறை திறனாய்வு, சமூகவியல் அணுகுமுறையும் பயன்படுத்தப்பட்டுள்ளது. ஆய்வுப் பகுப்பு:- இவ்வாய்வேடு முன்னுரை, முடிவுரை
Read more »