எழுத்தாகவும் நினைவாகவும் மாறிவிட்ட பா.செயப்பிரகாசம் - தமுஎகச அஞ்சலி

கரிசல் இலக்கிய முன்னோடிகளில் ஒருவரும் இடதுசாரி இலக்கியத்துக்கு மகத்தான பங்களிப்புகளைச் செய்தவருமான எழுத்தாளர் பா.செயப்பிரகாசம் தன்னுடைய 81ஆவது வயதில் 23-10-2022 அன்று விளாத்திகுளத்தில் காலமானார். 1941இல் தூத்துக்குடி மாவட்டம் விளாத்திகுளம் அருகே உள்ள ராமச்சந்திராபுரம் என்கிற கிராமத்தில் பிறந்த பா.செயப்பிரகாசம், 1965இல் கல்லூரி மாணவராக இந்தி எதிர்ப்புப் போராட்டத்தில் பங்கேற்று மூன்று மாதம் பாளையங்கோட்டைச் சிறையில் இருந்தார். கல்லூரி விரிவுரையாளராகவும், பின்னர் தமிழ்நாடு அரசின் செய்தி மக்கள் தொடர்புத்துறையில் அதிகாரியாகவும் 1999 வரை பணியாற்றினார்.  தமிழின் மகத்தான படைப்பாளியான ஜி.நாகராஜனிடம் மாணவராகப் பாடம் கேட்ட ஜே.பி., அவர் மூலமாக ’சரஸ்வதி’ இதழின் அறிமுகம் பெற்றார். இளவயதிலேயே மார்க்சியத்தின்பால் ஈர்க்கப்பட்டு, நக்சல்பாரி இயக்கப்பார்வையை உள்வாங்கியவர். அவ்வியக்கத்தின் இலக்கிய இதழான ’மனஓசை’யின் ஆசிரியராக பத்தாண்டுகாலம் இயங்கியவர். மக்கள் கலாச்சாரக் கழகம் என்கிற அமைப்பின் முன்னோடியாகச் செயல்பட்டவர்.காலத்தின் கைகளில் சிக்கிய மானுடவாழ்வும் மானிடரும் இந்தக்கொடும் சூழலால் ஆட்டுவிக்கப்படும் பொம்மைகளாகிவிடுவதைச் சித்தரிக்கும் பா.செயப்பிரகாசத்தின் கதைகளின் ஊடாக வெளிப்படுவது அவரது மார்க்சியக் கண்ணோட்டம்.பிற்காலத்தில் அவர் தமிழ்நாடு முற்போக்கு எழுதாளர் கலைஞர்கள் சங்கத்துடனும் செம்மலருடனும் இணக்கமான உறவைப் பேணினார். செம்மலரில் தொடர்ந்து கதைகள் எழுதினார். கரிசல்காட்டு நதியான வைப்பாற்றில் மணற்கொள்ளை நடப்பதைப் பற்றி “மணல்” என்கிற நாவலை அவர் கடைசியாக எழுதினார். இறக்கும் காலம் வரை எழுதிக்கொண்டேதான் இருந்தார். சென்னையிலும் பின்னர் புதுச்சேரியிலும் வாழ்ந்த பா.செயப்பிரகாசம் தன் கடைசி நாட்களில் கரிசல் மண்ணில் கழிக்க விரும்பி விளாத்திகுளத்தில் வாழ்ந்து வந்தார். அங்கேயே காலமும் ஆகிவிட்டார். ஒரு நவீன மனிதராக, சடங்குகளின்றி தன் உடலை மருத்துவமனைக்குத் தானமாக வழங்கிவிட்டார். எழுத்தாகவும் நினைவாகவும் மாறிவிட்ட அன்னாருக்கு தமுஎகச தன் அஞ்சலியைச் செலுத்துகிறது.

தோழமையுடன்

மதுக்கூர் இராமலிங்கம் மாநிலத்தலைவர்                        

ஆதவன் தீட்சண்யா பொதுச்செயலாளர்

24.10.2022

கருத்துகள்

கருத்துரையிடுக

பிரபலமான பதிவுகள்

பலியாடுகள்

படம்
நஞ்சுண்ணும் பூமியின் நடமாட்ட சாட்சியங்கள் தேடி, அங்ஙன இங்ஙன என்று ஊர், உலகத்துக்குப் போக வேண்டாம். நஞ்சு கரைத்து ஊட்டும் காரியங்கள் தமிழ்ச் சமூகத்தில் தீவிரம் கொண்டிருக்கின்றன. ஆண்டு, மாத நிகழ்வுகளின் அட்டவணையாக முறைவைத்து வருகிறது. பாண்டிச்சேரிப் பல்கலைக்கழகத்தின் நிகழ்த்து கலைத்துறைத் தலைவரான கே.ஏ.குணசேகரனின் ‘பலியாடுகள்’ நாடகம் பாண்டிச்சேரி பல்கலைக்கழகத்தில் தடை செய்யப்படுகிறது. இது மார்ச் 27 நிகழ்வு. 24-03-15 முதல் 27 முடிய உலக நாடக நாள் விழா - மூன்று நாள் கருத்தரங்கம். நிறைவுக்கு முதல் நாள் இரவு துணைவேந்தர் தொலைபேசியில் “பலியாடுகள் நாடகத்தில் பிராமணர்களைத் தாக்கிப் பேசும் காட்சிகள் வருவதாகச் சொல்கிறார்கள். பிராமண துவேஷம் வெளிப்படும் நாடகத்தை நாளை அரங்கேற்ற வேண்டாம். அறங்கேறுமானால் நுழைவு வாசலில்லேயே மறித்துப் போராட்டம் செய்வோம் என்று சில அரசியல் சக்திகள் சொல்கிறார்கள்” என்று பேசியவர், நாடகம் நடத்த வேண்டாம் எனத் தெரிவிக்கிறார். ’மாதொருபாகன்‘ புதினத்தில் பிரச்சினைக்குரிய பகுதியை நீக்கு; புதினத்தைத் திரும்பப் பெறு, மன்னிப்புக் கேள் - என்று பெருமாள்முருகனின் வீட்டுக்
Read more »

நா.காமராசன் ஓய்ந்த நதியலை

படம்
1962 - 63ல், மதுரை தியாகராசர் கல்லூரியில் நான் இளங்கலை முதலாமாண்டு. கவிஞர் நா.காமராசன், இளங்கலை இரண்டாமாண்டு. கவிஞர் அபி, இளங்கலை மூன்றாமாண்டு. கவிஞர்கள் மீரா, அப்துல் ரகுமான், முதுகலைத் தமிழ் இறுதியாண்டு. கவிஞர் இன்குலாப், எனக்குப் பின்னால் அடுத்த ஆண்டு இளங்கலைத் தமிழில் சேர்கிறார். அவருடைய வகுப்புத் தோழர் – பின்னாளில் சட்டமன்ற உறுப்பினர், அமைச்சர், சட்டமன்றப் பேரவைத் தலைவராக இருந்து மறைந்த கா.காளிமுத்து. மதுரை தியாகராசர் கல்லூரி விடுதியில் 1965 சனவரி 25-ம் நாள், இந்தி எதிர்ப்பு ஊர்வலத்துக்கான அனைத்துக் கல்லூரி, உயர் நிலைப்பள்ளி மாணவர்களின் முன் ஆலோசிப்பு நடந்தது. நண்பர்கள் காமராசன், காளிமுத்து ஆகியோர், ‘இந்தியே ஆட்சி மொழி’ என்று அறிவிக்கும் சட்டப் பிரிவு பிரதியை எரிப்பதென முடிவு செய்தனர். ‘சட்டத்தை’ எரிக்கும் நண்பர்களை அக்காரியம் நிறைவேற்றும் முன் கைது செய்யாமலிருக்க, ஒரு தலைமறைவு வாழ்க்கைக்குத் தயார்ப்படுத்தினோம். எங்களில் சிலரைத் தவிர அந்த இடம் வேறு யாருக்கும் தெரியாது. சனவரி 25-ம் நாள் அன்று மாணவர்கள் சுற்றிலும் பாதுகாப்பாக வர, காமராசனும் காளிமுத்துவும் திடல் மேடையில் ஏறி, சட்டப
Read more »

வட்டார வழக்கும் இலக்கியமும் சிறுகதை - நெடுங்கதை

படம்
மனித வரலாற்றின் எந்தப் புள்ளியில் மொழி பிறந்தது? “என்று பிறந்தவள் என்றுணரா இயல்பினள் எங்கள் தாய்” என்ற பதில் தமிழ்ச் சமூகத்தில் உண்டு. இதய வாஞ்சனைக்கு இதமானது இது. அறிவுசார்ந்த சிந்திப்புக்கு வேறொரு விடை இருக்கும். மொழியின் தோற்ற கால கர்ப்பத்தைக் கண்டறிவதினும், அது மனிதனில் என்னவாக உண்டானது என்றிவது முக்கியம். மூடிய வயிற்றுக்குள்ளிருந்து வெளிப்பாய்ந்த உயிர் அழுதது. மனித குலத்தின் முதல் மொழி அழுகை. அப்போதே மொழி ஓசையாய் வெளிப்பட்டது. அதன் முன் சைகையே மூலமாக இருந்தது. தனக்குத் தேவையானதை சைகை வழியாகவே மனிதன் பேசிக்கொண்டிருந்தான். “எனக்குப் பசி. அந்தக் கனியைப் புசிக்கலாமா?” குழந்தை அல்லது அந்த மனிதன் செடியை, மரத்தைக் காட்டினான். பறித்துத் தரும்படி கை ஏந்தினான். கை நீட்டுவதும், காட்டுவதும் சைகை. நீர் ஆற்றில் ஓடியது, குதித்துக் குளித்துக் கரையேற எண்ணினான். தன் அகவிருப்பத்தை மற்றவா்க்கு எப்படிப் பரிமாறுவது? சைகை. சைகை – என்பது ஆதிமொழி. சைகை இருந்த இடத்தில், ஓசையாக ஒலிக்குறிப்பு பிறக்கிறது. தாய், தகப்பன், உற்றார் என தன்னைச் சுற்றி அசைந்தவர்களோடு, தன் தேவைகளை நிறை வேற்றிக்கொள்ளும்
Read more »

சாதி ஆணவக் கொலைகள்: அச்சம் கொள்

படம்
“ஆதலினால் காதல் செய்வீா் உலகத்தீரே” என்றான் பாரதி. சொன்னவன் மஹாகவியா, மக்கள் கவிஞனா - யாராகவும் இருக்கட்டும், அவனையும் தீர்த்துக் கட்டுவோமென கையில் வீச்சரிவாள்களுடன், கத்தி கப்படாக்களுடன் அலைந்து கொண்டிருக்கிறார்கள் சாதி விசுவாசிகள். காதலால்  தனிமனிதனுக்கு - கூட்டுச் சமூதாயத்துக்கு கிட்டும் பலாபலன்களைக் வரிசையிட்டிருப்பான் கவிதையில் பாரதி. காதலினால் மனத்தில் உறுதி உண்டாகும் என்பது  கவிஞன் வார்த்தைகளுக்குள் இறங்கிக் கிடக்கிறது. காதலினால் துளி உறுதியும் உண்டாக   இடம்  தரக்கூடாது என்று கங்கணம் கட்டி, காதலுக்குப் பாடைகட்டிக் கொல்லும் வழி போகின்றனர் ஊரினிலே காதலென்றால் உறுமும் ஒருகூட்டம். பூ மலர்ந்தால் பிஞ்சு கட்டும்: பிஞ்சு கட்டினால் காய் வரும்: காய் பழுத்தால் கனியாகும். காதல் பூ மலர்ந்து கனியாகிறபோது விதைகள் உண்டாகின்றன. விதைகள் குடும்ப விருட்சமாய் விரிகின்றன. இந்தப் பெருமரத்தின் நிழல் சகல தடைகளையும் உடைத் தெறிந்து வரும் மாண்பாளா் அனைவரையும் அனைத்துக் கொள்ளும்; காதல் செய்வதால் உண்டாகும் இந்த ஆரோக்கியமான பெருமரச் சமுதாயத்தின் நிழலில் தாமும் உரம்பெற்றுப் புதியன படைக்கப் புறப்படுவார்கள
Read more »